Ish-ministri i Financave dhe ish-deputeti i PS-së, Arben Malaj, i ka drejtuar një thirrje socialistëve të vjetër të mbetur në rradhët e Rilindjes, që të bllokojnë skenarin për Teatrin Kombëtar.
Përmes një mesazhi drejtuar zv.kryeministrit Erjon Braçe, ministrit Pandeli majko dhe kreut të Kuvendit, Gramoz Ruçi, Malaj kërkon një vendim qarkullues që do të ndalonte ndërhyrjen te Teatri Kombëtar, duke i dhënë mundësi artistëve që të pushojnë ashtu sikundër bëjnë të gjithë në këtë periudhë të nxehtë.
“Të dashur protestues dhe policë. Kam ardhur këtu me mesazhin e Nënë Terezës, në vend të errësirës, ndizni një qiri.
Ministrja e Kulturës të heqë policët nga institucioni. Ministri Majko dhe socialisti shumë i mirë Erjon Braçe të kërkojne një vendim qarkullues, që për gjithë periudhën që të ketë kontrate për punimet të bllokohet rrethimi nga policia dhe të bllokohet aktiviteti në Teatrin Kombëtar.
Kjo mund të behet me akt normativ qarkullues, e nëse Majko e Braçe e duan këtë vend ajo bëhet gati për 20 minuta. Kjo i jep mundesi artistëve të pushojnë si gjithë shqiptarët.
Nëse qeveria nuk e bën, është në detyrimin moral të Gramoz Rucit, të mbledhë deputetët, të marrë një ligjj vetëm me një paragraf, të mundësohet ndalimi i ndërhyrjes tek Teatri.
Pas kësaj të gjithë së bashku të bëjmë maksimumin për zgjidhjen më të mirë, që mbron pasurinë dhe krenarinë tonë”, tha ai.
