Dhjetra forca policore, rreth orës 07:00, të mëngjesit të sotëm ndërhynë te Teatri Kombëtar duke larguar artistët, aktorët dhe pjesëtarë të shoqërisë civile, që prej muajsh mbrojnë godinën nga projekti i qeverisë që parashikon shembjen e saj.
Policia zbarkoi para teatrit duke vendosur një perimetër sigurie, me qëllim boshatisjen e godinës nga orenditë që ende nuk janë zhvendosur.
“Hiqini kapelet, si do ndiheni para fëmijeve tuaj, do të ndiheni shumë keq.
Çfarë do t’u thoni familjeve, fëmijëve, historisë? Hidheni kapelen dhe tregoni se jeni shqiptarë të mirë, se mbroni vendin, historinë, traditën dhe këtë vend”, është thirrja e artistëve për punonjësit e policisë.
Ndërkohë që qëndresës së Aleancës për Mbrojtjen e Teatrit i janë përgjigjur edhe ish-deputetë të opozitës, që kanë shkuar te sheshi para Teatrit Kombëtar.
