Toyota Yaris sjell në Tiranë prokurorët federal nga Belgjika. Mësohet se një grup prokurorësh kanë mbërritur mëngjesi e së hënës në Tiranës dhe në mesditë kanë marrë në pyetje dy të pandehurit e parë të dosjes Toyota Yaris, ku u gjeten 3.4 mln euro. Dje u morën në pyetje Edi Lika dhe djali i tij Klevi Lika.
Burime nga Krimet e Rënda bëjnë me dije se gjatë ditës së sotme do të merren në pyetje edhe dy të pandehur të tjerë. Ata janë Alban Mullaymeri dhe Agim Çeku.
Prokurorët belg kanë kërkuar të pyetet edhe kreu i PD-së Lulzim Basha, i cili menjëherë pas kapjes së kësaj sasie parash në dy makina në portin e Durrësit, ka deklaruar se zyrtarë të PS-së kanë lidhje me këto para që vijnë nga trafiku i drogës.