U krijua dhe lindi si një ëndërr, tanimë e kthyer në makth për këdo që punon brënda ‘binomit Bermunda’, Digitalb-Top Channel. Vetëm pak ditë më parë gjiganti mediatik festoi 15 vjetorin e themelimit të platformeës së parë digjitale në vend, Digitalb.
Nga habia e deri tek histeria për ta pasur me patjetër një dekoder në shtëpi, sot thuajse të gjithë e kujtojnë Digitalbin si një legjendë të vjetër urbane të një kryeqyteti që zvarritet me këmbë e duar të ecë me hapin e kohës. Por, jo aq keq sa kompania në fjalë, e cila vetëm gjatë viteve të fundit ka bërë raprezalen me punonjësit dhe emrat që i dhanë jetë dhe prestigj logos së Digitalbit.
Nën drejtimin e familjes Hoxha, tanimë të pambrojtur nga arroganca e pushtetit dhe pa ndihmën e vizionit të sjellë në jetë nga Tani, Digalbi është kthyer në një lavanderi nderesh për shefen e madhe, e cila nga nevoja e etur për pushtet ka spastruar këdo që i ka dalë kundra, qoftë edhe në ballafaqim idesh.
Përmes një statusi në Facebook, ka qenë pikërisht moderatori i njohur, zëri simbol i reklmaës së Digitalb, Genc Gjineci i cili i ka publikuar një listë me emrat e 15 themeluesve të cilët jo vetëm që nuk punojnë me aty, por janë edhe të detyruar të kujtojnë me keqardhje cdo hap të Digitalb pas vdekjes së Tan Hoxhës. Tanimë që familja Hoxha është drejt falimentit është pak por e sigurt, Digitalb-i do ta marrë me vete si provë e një ëndrre e cila u kthye në makth. Një ëndërr nga e cila u zgjuan me rradhë të gjithë ata vetë Zonja Hoxha nuk i futi dot në xhep.