Presidenti Ilir Meta u shpreh se në vend ka një konflikt madhor që e quajti “nënën e konflikteve”.
“Nëna e të gjithë konflikteve është ai i kryeministrit Edi Rama me pluralizmin politik, demokracinë, shtetin e së drejtës që bazohet në ndarjen e pushteteve dhe ‘check and balance’”, u shpreh Presidenti Ilir Meta.
I ftuar në emisionin Tempora në “Ora News”, Meta iu përgjigj edhe akuzave të kryeministrit Edi Rama se me dekretin për ndryshimin e datës së zgjedhjeve shkeli Kushtetutën dhe i bëri një dëm vendit.
Meta mohoi të shkelur Kushtetutën me vendimin e tij. “Kam vënë në diskutim kufijtë e Shqipërisë apo të Kosovës? Çfarë kamë bërë unë ndaj kombit?”, u përgjigj Meta.
Kryeministri Edi Rama ka qenë ai që është akuzuar se do ti shiste detin Greqisë me marrëveshjen me vendin fqinjë, që nuk u konkretizua. Gjithashtu, është akuzuar se është pjesë e asaj pale që është vendosur pro ndryshimit të kufjeve mes Kosovës dhe Serbisë. /BN/