Hidhet në erë memoriali i Thimio Lolit, i vendosur në Krane të Finiqit.
Nga raportimet mësohet se një sasi lënde plasëse është vendosur te memoriali.
Ngjarja mësohet se ka ndodhur rreth orës 04:30 të mëngjesit të sotëm, ndërsa policia ka nisur hetimet.
Thimio Loli, referuar dokumenteve të kohës, është i përfshirë në masakrat e kryera prej në jug dhe juglindje të vendit në vitin 1914, por edhe më parë.
Thimio Loli ka qenë një ndër të ashtuquajturit komandantë ithtarë të çështjes së Vorio Eprit duke drejtuar çeta kriminelësh, që jo vetëm kanë vrarë mjaft patriotë, por kanë sulmuar e shkretuar qindra fshatra shqiptare.
Loli i përket atij grupi që sulmet ndaj Shqipërisë e shqiptarëve i vendosën në një periudhë të gjatë kohore, prej fillim viteve 1900 e deri diku në 1944-n.
