Kryeministri Edi Rama bëri një apel për “paqe politike” me opozitën nga Asambleja e Partisë Socialiste. Një thirrje që në fakt nuk ndryshon ato të mëparshmet, duke i propozuar opozitës një vend në komisionin e reformës zgjedhore. Ndërsa për reformën në drejtësi, tha se nuk negociohet.
“Patjetër që duam paqe politike por një paqe politike për Shqipërinë që duhet të nisë me Shqipërinë, jo karriget dhe duhet të bitiset për Shqipërinë kështu që dora ime mbetet e shtrirë gati për të shkruar prapë kur të vijë momenti. Reforma sipas rekomandimeve të OSBE/ODHIR mbetet një sfidë e përbashkët me opozitën parlamentare dhe atë jo parlamentare e cila ka dhe një vend të lire bosh që e pret në komisionin e reformën e mirëpritur të ulet, madje ka dhe veto, ky është ndryshimi midis ne dhe tyre, ata me molotov, ne ju japim dhe veten qe të na e vënë veton ne dhe jemi shumë krenarë që e bëjmë këtë gjë”, u shpreh shefi i qeverisë.
“Reforma në drejtësi as diskutohet as negociohet, vetëm mbështetet dhe do jetë shumë e qartë unë e di se ka shkolla të ndryshme në lidershoipin e PS. S’kam dispononim minimal për asnjë marrëveshje politike për të ndenjurat e politikanëve dhe për asnjë lloj marrëveshje politike që mund të pengojë drejtësinë të merret me këdo që mund të jetë subjekt i drejtësisë, qoftë djathtas, majtas, në mes poshtë, apo jashtë salle”, shtoi.
Ndërkohë, që kryeopozitari Lulzim Basha vijon të mbetet i palëkundur në qëndrimin e tij për largimin e Ramës nga drejtimi i qeverisë dhe krijimin e një qeverie tranzitore që të garantojë zgjedhje të lira e të ndershme. /BN/
