Deputeti Kujtim Gjuzi ka zgjedhur të kalojë fundjavën në Shkodër pranë disa miqve të tij, që janë mjaft të njohur për mediat dhe botën e krimit.
Bëhet fjalë për familjen e Licajve, banda rivale e Bajrave me të cilën kanë pasur përplasje të shumta dhe kanë mbetur mjaft të vrarë nga të dy grupet.
Këto dy grupe kanë tronditur Shkodrën, pasi vala e vrasjeve të ndodhura një vit më parë dyshohet se ka ardhur si pasojë e përplasjeve mes Licajve dhe Bajrave.
Gjuzi ka publikuar edhe një foto nga shtëpia e familjes Lici që u ngujua pas ekzekutimit të Fatbardh Licit, gushtin e vitit 2018 në mes të Shkodrës, Mustafa Licin.Deputeti shkruan se ndihet mjaft i respektuar në këtë familje, ndërsa personi tjetër që i shoqëron në tavolinë, nuk dimë të themi se kush është.
“Ne shtepine mikpritese te Tat lici ne shkodren aristokrate,”- shkruan Gjuzi krahas fotos, duke lënë të nënkuptohet se ka pasur njohje me të vrarin Fatbardh Lici, që ndryshe njihet si Tata.
Në tavolinë vihet re që po konsumohet birrë, kafe dhe ujë. Mesa duket prania e deputetit Kujtim Gjuzi në Shkodër ka bërë që bandat të qetësohen pasi këtë vit nuk ka pasur përplasje mes tyre. Shenjë kjo që edhe shteti po vepron.