Asamblea Kombëtare e Partisë Socialiste do të mblidhet ditën e martë në orën 16:00, ku në qendër të saj do të jetë rezultati në votimet e 30 qershorit, por edhe funksionimi i strukturave të kësaj partie.
Sipas agjendës së publikuar, mbledhja e Asamblesë do të nisë me fjalën e kryeministrit Edi Rama, ndërsa pritet që anëtarët të miratojnë pr/vendimin dhe pr/udhëzimin për organizimin dhe zhvillimin e zgjedhjeve në PS.
Gjithashtu pritet të miratohet edhe udhëzimi mbi kriteret përzgjedhëse për delegatët e kongresit, kryetarët e partisë të bashkive, kryetarët e Këshillave Socialiste të Njësivve Administrative, si dhe të Organizatave Socialiste.
Kryeministri Edi Rama në një nga deklaratat e fundit publike ka përjashtuar mundësinë për ndryshime në kabinetin qeveritar.
Agjenda e Asamblesë së PS
Partia Socilaiste pritet të mbledhë ditën e nesërme në orën 16:00 Asamblenë Kombëtare.
Punimet e Asamblesë, do të çelen nga kryeministri Edi Rama, njëherësh kryetar i PS-së, ndërsa në rendin e ditës është edhe analiza mbi rezultatet e zgjedhjeve të 30 qershorit.
Në rendin e ditës së asamblesë që mblidhet nesër ora 16:00 janë:
1. Fjala e Kryetarit të PS, Edi RAMA.
2-Analizë mbi rezultatet e zgjedhjeve vendore të 30 Qershorit 2019.
3-Shqyrtimi dhe miratimi i Projekt-Vendimit “Per organizimin dhe zhvillimin e zgjedhjeve të përgjithshme në parti”.
4-Shqyrtimi dhe miratimi i Projekt-Udhëzimit “Per Zgjedhjet e reja të përgjithshme në parti”.
5-Shqyrtimi dhe miratimi i Projekt-Udhëzimit “Për kriteret përzgjedhëse për delegatet e kongresit, kryetaret e partisë të bashkive, kryetarët e KS të Nj.A dhe kryetaret e OS.
6-Të ndryshme.
