Pas vendimit nga CAS, i cili la në fuqi dënimin 10-vjeçar për mospjesëmarrje në kupat e europës pë Skënderbeun, gazetari Ervin Baku iu ka drejtuar një pyetje publike presdientit Ardjan Takaj, ish-trajnerit të Skënderbeut Mirel Josa si dhe ish-lojtarëve apo lojtarëve aktualë të ekipit korçar: Orges Shehi, Tefik Osmani, Bajram Jashanica, Marko Radas dhe Kristi Vangjeli. Një pyetje e cila vlen veç e veç për secilin nëse kanë trukuar apo jo ata ndeshje.
Sipas gazetarit këtë pyetje e bëri për shkak se askush nga UEFA apo CAS nuk thotë asgjë, asnjë provë për derisa është dënuar klubi i Skënderbeut, por nuk akuzohet asnjë emër i përveçëm.
Postimi i plotë:
A KENI TRUKUAR JU NDESHJE?
Përgjigjuni ju lutem dhe betohuni në emër të famijes suaj dhe në emër të Zotit.
Pyetje e hapur dhe publike për presidentin e Skënderbeut Ardjan Takaj, për trajnerin Mirel Josa, për futbollistin Orges Shehi, për futbollistin Tefik Osmani, për futbollistin Bajram Jashanica, për futbollistin Marko Radas dhe për futbollistin Kristi Vangjeli. Nuk është pyetje e përbashkët. Është për secilin. Veç e veç.
E bëj këtë pyetje si një njeri që e dashuron futbollin që pa u ngritur në këmbë. Si një njeri që dashuron futbollin e pastër. Si një njeri i drejtë. Si spikeri zyrtar i Skënderbeut në fushatat europiane. Si gazetar i sportit.
Për derisa askush (UEFA dhe KAS) nuk na thotë asgjë (asnjë provë), për derisa është dënuar klubi i Skënderbeut, por nuk akuzohet asnjë emër i përveçëm, më lind dëshira po e po, por edhe e drejta ta bëj pyetjen që bëra më lart. Sepse e kam përkrahur dhe mbështetur Skënderbeun si skuadra më e mirë shqiptare e dekadës së fundit.
Sepse e kam përkrahur dhe mbështetur Skënderbeun me ZERO interes.
