Vettingu në polici, ja çfarë duhet të deklarojnë efektivët/ A është e kënaqshme banesa…

Rreth 245 drejtues të Policisë së Shtetit, me grada të larta në nivel qendror dhe lokal, përfshi këtu edhe SHÇBA dhe Gardën e Republikës, do t’i nënshtrohen në javën e parë të muajit gusht vettingut.

Proçesi që do të zgjasë 1 vit, synon kontrollin e figurës së punonjësve të policisë, pasurinë, aftësitë profesionale të tyre.

Vetëdeklarimi do të përcillet elektronikisht pranë Drejtorisë së Burimeve Njerëzore në Drejtorinë e Përgjithshme të Policisë së Shtetit për tu pranuar më pas në sistem.

Por ajo që tërheq vëmendjen janë pyetjet që shtrohen në formularin e vetëdeklarimit.

Kështu përveç pyetjeve që kanë të bëjnë me pajisjet elektroshtëpiake apo orenditë që kanë në banesa, punonjësit e policisë do të shprehen nëse janë ose jot ë kënaqur nga sipërfaqja e banesës ku qëndrojnë, nëse e kanë ose jo me qira etj.

LEXO EDHE  E shtuna e zezë/ Dy të vdekur e 5 të plagosur nga aksidentet rrugore

Dokumenti i vetëdeklarimit u është shpërndarë të gjithë efektivëve, të cilëve u kërkohet të përgjigjen për detaje të tjera të jetës personale, të stilit të jetesës dhe kushteve në të cilat ata jetojnë.

Po kështu punonjësit e policisë janë të detyruar të tregojnë një bilanc financiar, mbi të ardhurat dhe shpenzimet, jo vetëm të tyre personal, por edhe të familjarëve.