Si u zbulua grupi shqiptar i trafikantëve të drogës/ Detajet e operacionit që çoi në pranga…

Një super-operacion i policisë italiane ka çuar në arrestimin e disa personave dhe bllokimin e një sasie droge, kokainë, heroinë dhe mariuanë.

Policia italiane ka goditur një grup kriminale që dyshohet se trafikonin drogën nga Shqipëria drejt Sardenjës, ndërsa në orët e mëngjesit të sotëm, skuadrat e antidrogës kryen 6 arrestime.

Mediat italiane raportojnë në në total numri it ë arrestuarve ka arritur në 17, ndërkohë që dy persona janë shpallur në kërkim.

Operacioni policor është kryer në disa faza, ku janë arrestuar 11 persona, dhe me 6 të arrestuarit e ditës së sotme, numri shkon në 17.

Hetimet për zbulimin e grupit criminal kanë nisur në 2016, dhe kanë vijuar për 3 vjet me rradhë, ku personat e dyshuar janë mbajtur nën vëzhgimin e agjentëve të policisë dhe anti-drogës.

Të gjithë personat e arrestuar dhe dy të shpallurit në kërkim dyshohet se bënin pjesë në të njëjtën organizatë.

Akuza kundër të arrestuarve është “krijimi i një grupit kriminal që synon trafikun ndërkombëtar, posedimin dhe transferimin e drogës”.

Sipas mediave italiane, në organizatë përfshihen shqiptarë dhe italianë, të cilët dyshohet se shpërndanin lëndën narkotike, përfshi këtu edhe drogat e forta, kokainë dhe heroinë, në Olbia si dhe në Kosta Smeralda.

LEXO EDHE  Zhvlerësimi i euros, bien eksportet për 7 mujorin

Një 25-vjeçar, i arrestuar me 2.5 kilogram marijuana, u morr në pyetje nga policia, dhe më pas u organizua një tjetër operacion që çoi në pranga 4 italianë dhe u sekuestruan 4 kg kokainë e pastër.

Duke vërejtur grupin si funksiononte dhe punonte, karabinierët shtrinë hetimet në disa provinca të Italisë si Cagliari, Lacio, Lombardia dhe Emilia Romagna. Më pas, kontrolle janë bërë edhe në portet e Livornos dhe Civitavecchia.

Drejtoria Qendrore e Hetimeve të Drogës në Ministrinë e Brendshme të Italisë bëri të mundur që me hetime të zbulojë të gjithë organizatën. Udhëheqës i supozuar ishte një shqiptar, narko-trafikant i njohur tashmë prej policisë.

Gjatë hetimeve në gusht 2017, policia italiane arrestoi një të ri nga Olbia, i akuzuar për importimin e dy kilogramëve të kokainës “të zezë” , lëndë narkotike jashtëzakonisht e rrezikshme. Droga ishte paketuar mjaft mirë, ndërsa ishte një drogë e fortë, shumë e rrezikshme për përdoruesit.