Shoferi le derën e urbanit hapur për shkak të vapës, bie dhe plagoset në kokë faturinoja (femër)

FOTO ILUSTRUESE

Një ngjarje sa e rëndë aq edhe komike ka ndodhur në një urban në qytetin e Durrësit.

Shoferi, për shkak të vapës ka lënë derë hapur që të bënte fresk dhe si pasoje është  rrëzuar rrugës faturino e cila ishte femër.

Ngjarja ka ndodhur paraditen e sotme rreth ores 10:00 në linjën e Unazës së Durrësit, në zonën e Ish-Kënetës.

Të pranishmit në vendngjarje tregojnë  se urbani ishte në ecje ndërkohë që dera e parë qëndronte e hapur nga ku edhe ka rënë faturino (femër),  e cila është lënduar në kokë, pa pasoja më të rënda fatmirësisht.

Ambulanca, që sipas qytetarëve ka vonuar të mbërrijë, ka dërguar në spital të plagosurën për të marrë mjekimin e nevojshëm dhe ndodhet nën kujdesin e bluzave te bardha.

LEXO EDHE  Parashikimi i motit, çfarë pritet sot / Zonat që preken nga dëbora

Ndërsa policia ka bllokuar automjetin e transportit publik si dhe ka ndaluar shoferin, i cili njihet në rrethin shoqëror në Durrës  si “Kinezi”.

Edhe pse Këshilli Bashkiak votoi pro rritjes së çmimit të biletës nga 30 në 40 lekë që hynë në fuqi që nga data 1 korrik një dit pas zgjedhjeve, pasi do të investohej në mirëmbajtjen e tyre, autobusët e Durrësit që qarkullojnë nëpër qytet vijojnë të mbeten makthi i përdoruesve sidomos në stinën e nxehtë të verës !