Ardian Kuka, i cili një ditë më parë qëlloi me thikë, duke i shkaktuar vdekjen bashkëshortes së tij, është gjetur i mbytur.
Nga njoftimet e para mësohet se Kuka është gjetur në Sektorin Rinia.
Shtetasi A.K, 37-vjeçar, u gjet i mbytur mëngjesin e sotëm në zonën e Spitallës, raportojnë burime policore.
Një ditë më parë ai qëlloi me thikë disa herë bashkëshorten e tij, Hasbije Kuka, 36 vjeç, duke i shkaktuar vdekjen e menjëhershme.
Pas krimit, 37 vjeçari u largua, ndërsa policia u vu në kërkim të tij.
Njoftimi i policisë
Nga kërkimet e pandërprera të Policisë, orët e para të mëngjesit është gjetur i mbytur autori i dyshuar i vrasjes së bashkëshortes së tij, ndodhur ditën e djeshme.
Më datë 20.07.2019, rreth orës 07:30, në Sektorin Rinia, Durrës, është gjetur i mbytur shtetasi A.K.rreth 37 vjeç, banues në lagjen Nr.15, Durrës.
Pranë vendit të ngjarjes është gjetur dhe automjeti i këtij shtetasi më të cilin dyshohet se u largua pas kryerjes së krimit.
Ky shtetas dyshohet të jetë autori i vrasjes së bashkëshortes së tij ndodhur ditën e djeshme.
Grupi Hetimor po punon për zbardhjen e plotë të ngjarjes.