Kryetari i Vetëvendosjes, Albin Kurti, u shpreh sot se e kishte paralajmëruar Ramush Haradinajn se “sa më afër gjarprit të qëndronte, aq më i rrezikuar je”.
“Gjarpri” është nofka që Presidenti Hashim Thaçi përdorte gjatë luftës.
“Ish-kryeministrin e kemi paralajmëruar disa herë, sa më afër gjarprit aq më i rrezikuar je. Sot ne i vuajmë pasojat e qëndrimeve të liga dhe vendimeve të gabuara vite me parë kur politikanët që deshën më shumë vetveten sesa shtetin Kosovës ia bënë të keqen. Nuk e kemi më një qeveri që ishte e mbrapshtë dhe e pashpresë tash shpresa është te ndryshimi, të zgjedhjet, të liria te demokracia te VV-ja.
Haradinaj do të pyetet si dhjetëra ushtarë te tjërë. Kosova sot nuk ka qeveri, për këtë duhet të flasin qytetarët. Thaçi të përcaktojë zgjedhje e reja. Letra e Haradinajt ishte fillimi i fushatës. Kosova ka nevojë për shpresë”, tha ai.
Ramush Haradinaj dha dorëheqjen një ditë më parë si kryeministër i Kosovës, pas një fletë-thirrje nga Gjykata e Hagës.