Gazetari dhe aktivisti i njohur, Aulon Kalaja, ka qenë mjaft i revoltuar pas vendimit të dytë të Gjykatës së Durrësit, e cila i njohu mandatin e kryebashkiakes kandidates së Rilindjes Valbona Sako.
Me anë të një postimi në Facebook, Kalaja e ka cilësuar skandaloz dhe antiligjor të gjithë veprimin e ndjekur nga Gjykata e Durrësit.
Sipas tij çështja për dhënien ose jo të mandatit Valbona Sakos nuk mund të hidhej sërish në gjyq, pasi ligjërisht edhe kërkesa ankimore duhet të shqyrtohej nga e njëjta trupë gjykuese.
Kalaja shkruan se me këtë vendim të Gjykatës u tregua edhe njëherë se në Shqipëri nuk ka më pushtet gjyqësor, dhe se ai është marrë peng nga kryeministri.
Ja postimi i Kalasë:
Nuk ka me pushtet gjyqesor. Pushteti ekzekutiv nepermjet vettingut pushtetin gjyqesor e ka shnderruar ne nje mekanizem kontrolli administrativ dhe kryetaret e gjykatave dhe gjyqtaret jane shnderruar ne nepunesa.
Si shpjegohet qe nje kerkese, e njejte dhe e paraqitur persedyti ne te njejten gjykate, hidhet serisht ne short? Nderkohe kryetari i gjykates dhe kancelari kishin detyrimin ligjor qe ta perjashtonin nga shorti dhe t’ia kalonin menjehere gjyqtarit qe shorti i pare ka identifikuar.
Si shpjegohet qe nuk mbahet parasysh neni 58 i Kodit te Procedures Civile? Sipas kesaj dispozite, nese ka nje proces gjyqesor tashme te ngritur do te thote qe ka gjyqvaresi dhe per rrjedhoje nuk mundet me asnje gjykate ne Shqiperi te shqyrtoje me vone te njejten ceshtje. E nese ndodh qe nje gjykim i tille tentohet te rinisen nga palet gjykata edhe me iniciativen e saj ka detyrimin te pushoje menjehere ceshtjen.
E gjithe kjo shfaqe e shemtuar tregon se Kodi i Procedures Civile eshte ne fuqi por materialisht Maliqi eshte me i fuqishem se ligji.
PS:
Mesviti 2019. Edhe pak edhe do futemi ne BE.
