Vendimi i Gjykatës së Durrësit/ Paralajmëron Basha: Nëse nuk e ndalim sa më parë Edi Ramën…

Kryetari i opozitës Lulzim Basha e ka quajtur “vendimi të drejtësisë private të Edi Ramës”, atë të dhënë këtë të premte nga Gjykata e Durrësit, që konfirmoi mandatin e kryebashkiakes për Valbona Sakon.

Basha paralajmëron se nëse nuk e ndalim sa më parë Edi Ramën, Shqipëria do kthehet në një shtet tërësisht të falimentuar afrikan.

“E gjithë drejtësia është nën kontrollin e plotë të Ramës. Vendimi i Gjykatës së Durrësit është vendimi i drejtësisë private që ka vendosur Edi Rama në Shqipëri. Ky shpartallim i sistemit të drejtësisë do të prodhojë për një kohë të gjatë pasoja të rënda për vendin dhe qytetarët. Nëse nuk e ndalim sa më parë Edi Ramën, Shqipëria do kthehet në një shtet tërësisht të falimentuar afrikan”, shprehet Basha në reagimin e tij.

LEXO EDHE  Deputetja e PS këshillon Bashën/ Nëse do të bësh ndryshimin, krijo...