Kastriot Islami, ish-deputeti i PD-së ka deklaruar së fundmi se prej vitesh nuk i ndjek seanca plenare.
Ai theksoi në “Ora News” se shqiptarëve duhet t’ju vijë turp kur dalin nëpër rrugët e Europës dhe dëgjojnë që Shqipëria është nga vendet që është diskutuar për t’u bërë dekriminalizimi. Ai ka shtuar më tej se në parlament ka një numër shumë të madh njerëzish me rekorde kriminale, oligarkësh dhe manjatësh mediash.
DEBATI:
Kastriot Islami: Ka kohë, por sidomos këtë parlament nuk e ndjek më. Kështu që kërkoj ndjesë për injorancën time.
Beti Njuma: Nuk e ndiqni që kur u futën deputetët e rinj të opozitës?
Kastriot Islami: Nuk e ndjek qëkur isha edhe vet brenda dhe largohesha, për shkak se një numër shumë i madh njerëzish me rekorde kriminale, oligarkësh që nuk e meritonin të ishin në ato vende dhe manjatësh të mediat që kishin ardhur aty thjeshtë për të shtuar pasuritë e tyre. Kjo më detyronte të flisja shumë rrallë. Madje kërkoja ndjesë që flisja një herë në 6 muaj. Që atëherë nuk e ndjek më parlamentin.
Beti Njuma: Kush kishte më shumë manjatë të medias? PD apo PS?
Kastriot Islami: Sigurisht që PS-ja. Është hera e parë që është strukturuar në mënyrën më të mirë të mundshme. Unë kam qenë aty kur është organizuar. Është organizuar me dashje, me qëllim edhe shumë qartaz. Është turp i madh që Shqipëria është renditur në vendet që kanë bërë dekreiminalizimin. Shqiptarëve duhet t’ju vijë turp kur dalin nëpër rrugët e Europës që Shqipëria është nga vendet që është diskutuar për t’u bërë dekriminalizmi. Asnjë vend tjetër në botë nuk e ka pësuar këtë.
