Pandi Majko mos ndoshta të kanë tredhur!?

U desh dorëheqja e kryeministrit të Kosovës, Ramush Haradinaj, që ish-kryeministri i Shqipërisë në kohën e luftës së Kosovës, Pandeli Majko, të fliste për patriotizmin dhe patriotët.

Majko e cilësoi sot dorëheqjen e Haradinajt një akt prej burri shteti, madje thekson edhe se sot është me Ramushin, por ka 6 vjet që hesht për sjelljen burracake dhe kriminale ndaj popullit shqiptar të shefit të tij Edi Rama.

‘Socialisti i ndershëm’ dhe i ‘majti i palëkundur’ etiketohej Majko deri para pak vitesh nga vetë socialistët shqiptarë, madje shihej edhe si burim shprese për të ardhur në pushtet, në një kohë kur dukej se Edi Rama dhe njerëzit që ai solli me vete në PS (të cilën e shndërroi shumë shpejt në Rilindje) dukej se e kishin të pamundur të rrëzonin me program dhe me votë PD-në e Sali Berishës.

U desh sot dorëheqja e Haradinajt që Majko të nxirrte ‘luanin’ dhe të fliste për patriotë, patriotizëm dhe akte shtetare, në një kohë që vetë prej 6 vitesh rri, hesht dhe qesh si kloun kur shefi i tij akuzohet për drogë, korrupsion, lidhje me krimin apo dhe që në mbarë botën flitet për një Shqipëri si qendra e prodhimit, përpunimit dhe trafikimit të drogërave të rënda.

Ramush Haradinaj ka dhënë dorëheqjen nga posti i kryeministrit si një burrë shteti. Ai kreu një akt që i bën nder Kosovës shtet që drejtohet nga shtetarë të cilët bëjnë dallimin e fatit personal me atë të sigurisë kombëtare. Veprat e një njeriu vlejnë më shumë se dobësitë e tij. Sot jam me Ramushin! Të falenderoj komandant për shembullin e luftës, dhe sot në atë të paqes’, do të shkruante Majko sot, pas vendimit të Haradinajt.

Sot, sepse dje dhe nesër Majko do të vijojë të bëjë rolin e ‘qenushit të tredhur’, i cili luan dhe qesh sa herë q lëviz gishtat i zot. Ashtu edhe Majko si një ‘qenush i tredhur’ del në ekrane dhe tregon barcaleta sa herë që shefi ka nevojë të duket sa më gazmor para publikut, që tu mbushë mendjen shqiptarëve se gjithçka është në vijë.

LEXO EDHE  Kompleksi i dëmtuar 12 katësh në Durrës: Banorët e revoltuar i tregojnë Bashës "braktisjen nga shteti dhe skemën përjashtuese me hotelet"

Majko heshti, kur Rama po planifikonte të sillte armët helmuese në Shqipëri, të cilat u penguan falë protestave popullore.

Majko heshti kur Shqipëria mbillej në çdo cep të sajin me hashash.

Majko heshti kur në Shqipëri rritje me pa të drejtë taksa për të varfrit, i pamunduri futej në burg se nuk kishte para të paguante faturat. Madje Majko heshti edhe kur disa burra grash e baballarë fëmijësh i jepnin fund jetës nga pamundësia për të paguar energjinë elektrike dhe ujin.

Majko heshti, kur Rama e ktheu PS-në në çerdhe kriminelësh, ku më i paafti, hajduti trafikanti merrte poste dhe ofiqe, gradohej deputet.

Majko heshti edhe kur Rama me Lalajt, Avdylajt, Dakot, Ballajt, Rrahajt e shumë të tjerë vidhte dhe përdhoste votën e lirë të shqiptarëve, atë kauza të cilën vetë ai me krenari e kujton si një nga kërkesat e mëdha të studentëve të dhjetorit 1990, ku dhe ai ishte pjesë e studentëve që kërkonin ndryshimin.

Majko heshti edhe kur Rama shkatërroi Gjykata dhe kapi drejtësinë.

Por mbi të gjitha Majko heshti kur Rama dhe Thaçi dolën hapur në krahë të planit ogurzi serb për shitjen e Kosovës, ndërsa sot pa pikë turpi flet për burra shteti, madje gjen dhe guximin të dalë në krahë të një Burri të vërtetë shteti, i cili u dorëhoq pasi kërkon të shkojë para gjyqtarëve si Ramush, pa dashur të përlyejë apo njollosë emrin e Kosovës.

Jo vetëm kaq, por Majko ka heshtur për një mijë e një të zezat që Rama dhe banda e tij e Rilindjes i kanë bërë, po i bëjnë dhe nëse nuk do të ketë reagim, do vazhdojnë t’i bëjnë çdo ditë popullit shqiptar. / Boldnews.al