Nga Boldnews.al
Kur jemi në mesin e sezonit turistik dhe “lajmi i ditës” mbetet kriza politike dhe votimet moniste të 30 qershorit, Erion Veliaj i Bashkisë së Tiranës bëhet gati për të prishur godinën e Tetarit Kombëtar. Alarmi është dhënë nga Aleanca për Mbrojtjen e Teatrit e cila ka akuzuar Ministrinë e Kulturës se ka urdhëruar zbrazjen e godinës nga materialet që ndodhen brenda saj.
“Duket se dyshja Rama-Veliaj po hedhin hapat e parë konkret për shembjen e kompleksit teatror dhe grabitjes së truallit publik. Teatri do mbrohet, edhe me gjak po të jetë nevoja, dhe kushdo që do guxojë të ngrejë dorën ndaj tij do të gjykohet e do të paguajë shumë shpjet pasojat e vendimeve të marra sot”-thuhet në reagimin e Aleancës për Mbrojtjen e Teatrit.
Nismën për të çuar deri në fund marrëzinë e pushtetit qëndror dhe lokal, e ka marrë përsipër kryebashkiaku, i cili pritet që në ditët në vijim, qoftë edhe në mes të natës, të dërgojë disa faroma që do rrënojnë përfundimisht godinën e Teatrit Kombëtar. Shumë artistë, por edhe një pjesë e madhe e qytetarëve dhe përfaqësues të shoqërisë civile kanë kohë që protestojnë, por në këto momente përballja me dhunën e pushtetit është gati e pamundur.
Pasi të rrafshohet me tokë ajo godinë që mbart vlera arkitekturore, por edhe shpirtërore për artin në vend, janë gati betonieret dhe tonelatat me hekur për tu ngritur shtatë kulla përbri godinës së teatrit dhe si “haraç të vogël” do të ndërtohet një teatër i ri.
Padyshim që fituese e paracaktuar do të jetë kompania “Fusha sh.p.k”, një kompani pranë pushtetit, e cila fshihet pas çdo investimi, sidomos në kryeqytet. Lali Eri që mori goditjen e madhe në votimet e 30 qershorit, ku pavarësisht terrorit që u ushtrua mbi punonjësit e administratës për ti detyruar të votonin, përsëri kryeqyteti e refuzoi. Tirana mban rekordin për votat e pavlefshme, ku duken një larmi e madhe fyerjesh ndaj Veliajt në fletët që përfunduan në kutitë që vetë firmosnin, vetë vulosnin e në fund po ata i numëronin.
Për një të zgjedhur, minimalisht do kishte një moment reflektimi, por Lali Eri, ai që zbut malinjitetin duke përdorur fëmijët në video dhe foto, dhuna ndaj qytetit nuk do ketë fund. Në shekelje të plotë të ligjit po bëhet gati të shembë një godinë simbol në Tiranë, për të ngritur kullat shumëkatëshe që i kanë zënë çdo pikë ajri Tiranës së zhurmshme.
Kur dy të supërfuqishëm që e konsiderojnë veten zotër të Shqipërisë dhe kryeqytetit bëhen bashkë, siç janë Rama dhe Veliaj bie ajo murtajë e zezë që kudo që shkelin ata lenë pasoja të rënda. Korrupsioni dhe kleintelizmi me disa kompani të privilegjuara është vetëm njëra anë, por dëmi më i madh mbetet fshirja e çdo objekti të trashëgimisë kulturore dhe “mbjellja” e kullave, të atyre ndërtesave që nuk shkulet më janë. Si gjithnjë flamurtari i së keqes ka një emër si Erion Veliaj, i cili mbetet pjellë e një propagande Edviniane.
