Ramush Haradinaj raportohet se ka dhënë dorëheqjen nga posti i kryeministrit të Kosovës.
Në fund të mbledhjes së Qeverisë ai ka bërë të ditur se ka dhënë dorëheqje të parevokueshme, në një konferencë të jashtëzakonshme për mediat. Arsye e këtij vendimi, ka thënë, se e ka marrë thirrje për t’u paraqitur për t’u marrë në pyetje si i dyshuar, në Gjykatën Speciale e Hagës, që heton krimet e luftës.
Haranidaj ka thënë se ka pranuar një ftesë nga dhomat e specializuara të Gjykatës Speciale si i dyshuar dhe i është ofruar mundësia që të shkojë si i pari i Qeverisë apo si qytetar i zakonshëm i Kosovës. “Nuk mendoj se duhet me ia bë këtë Kosovës. Me shku si kryeministër atje. Dhe nuk ja bëj”, u shpreh Haradinaj, i cili gjatë luftës për çlirimin e Kosovës ka qenë komandant i Ushtrisë Çlirimtare të Kosovës.
Haradinaj ka sqaruar se ka zgjedhur këtë të dytën.
