Kandidati për Kryeprokuror në “sitën” e vettingut/ Çfarë ndodhi në KPK

Kandidati për Kryeprokuror Olsian Çela ka dalë sot para Komisionit të Pavarur të Kualifikimit. Ai është paraqitur i vetëm, pa praninë e një avokati.

Hetimi për prokurorin është kryer në të tre kriteret e rivlerësimit, atë të pasurisë, aftësive profesionale dhe pastërtisë së figurës.

Në lidhje me pasurinë, ILDKPKI, ka dorëzuar një raport me konstatimin se, deklarimi është i saktë dhe në përputhje me ligjin. Nuk ka fshehur pasurinë, nuk ka kryer deklarim të rremë dhe nuk gjendet në kushtet e konfliktit të interesit.

KPK ka kryer një hetim të thelluar në lidhje me pasuritë njësi 77.8 metra katrorë në Tiranë, blerë në 2015 për 78 mijë e 500 euro. Nga hetimi i KPK, ka rezultuar se deklarimi është i saktë dhe nuk janë ngritur probleme për këtë pasuri. Komisioni i ka kërkuar shpjegime subjektit për shitjen e një apartamenti nënës së tij.

LEXO EDHE  KAVAJË/ Marsida Qatja paralajmëron gjakderdhje: Çfarë më tha bashkëshorti nga burgu (DESHMIA)

Po ashtu KPK, konstatoi se subjekti ka dhënë shpjegime të mjaftueshme. Në lidhje me përfitimin e një shume prej 66 mijë euro nga nëna, Komisioni pasi analizoi dokumentacionin nuk konstatoi problematikë për këtë pasuri.

Në lidhje me një tokë arë në Levan të Fierit, të cilën Çela e ka trashëgimi i babai nuk janë rezultuar problematika.