Një skenë e denjë për filma aksion ajo që raportohet të ketë nisur në autostradën Ionaiane dhe e përfunduar më pas në rrugët e qytezës greke Amfilochia.
Siç raportojnë mediat greke, një shqiptar dhe një grek u arrestuan pas një ndjekje nga policia dhe një sasi e konsiderueshme hashashi u sekuestrua në një automjet tip “Citoren”.
Ndjekja nisi mëngjesin e kësaj të premteje në autostradën Ioniane, kur një makinë nuk i ndaloi sinjalit të policisë së Artës. Gjatë ndjekjes, nga “Citoreni” është qëlluar me armë zjarri ndaj policisë.
Në një moment, makina hyn në korsinë dalëse të autostradës dhe arratisja vijon në ngushticat e qytetit të Amfilochia. Mjeti përfundon në një rrugë pa dalje dhe dy persona dalin nga makina duke iu larguar në këmbë policisë, që vijonte ti ndiqte.
Arratia megjithatë nuk zgjati shumë, me dy autorët, që u kapën në anën perëndimorë të qytezës, në një banesë të braktisur. Ata janë një shqiptar dhe një grek, por identitetet ende nuk bëhen me dije nga raportimet e mediave helene.
Në makinën që ata braktisen, raportohet se u gjet një sasi e konsiderueshme hashashi. Pritet peshimi për të përcaktuar peshën e saktë të lëndës narkotike. /BN/
