Zëri i Amerikës i ka kushtuar një vëmendje të veçantë zbrazjes së godinës së Teatrit Kombëtar, pas urdhërit të ministres së Kulturës.
Në faqen zyrtare të VOA-s në rrjet, transmetohet një reagim i regjisorit Edmond Budina, i cili deklaroi se ky veprim i pabesë i qeverisë nuk do të ketë sukses, pasi Aleanca për Mbrojtjen e Teatrit dhe qytetarët e shumtë që e mbështesin do ta mbrojnë godinën, edhe nëse është e nevojshme përplasja fizike.
Aleanca për Mbrojtjen e Teatrit e ka deklaruar prej kohës qëndrimin e saj të prerë në lidhje më këto hapa: Teatri nuk do të shembet! Pushtetit politik mund ti trimërojë hajdutët, por nuk ka për ti shpëtuar përgjithmonë. Teatri do mbrohet, edhe me gjak po të jetë nevoja, dhe kushdo që do guxojë të ngrejë dorën ndaj tij do të gjykohet e do të paguajë shumë shpjet pasojat e vendimeve të marra sot.