Laçi eliminohet nga Europa League.
Skuadra shqiptare u mund 0-1 përballë izraelitëve të Hapoel Ber Sheva, në sfidën e kthimit në turin e parë të Europa League.
Në minutën e 69-të, mesfushori Naor Sabag kaloi në avantazh vendasit. Në një depërtim nga e djathta, topi shkon në mesin e zonës tek Sabag, i cili teksa i shpëton mbulimit të mbrojtjes kurbinase, godet dhe mposht me lehtësi portierin Selmani.
Ishin vendasit ata që kontrolluan lojën me Laçin që nuk krijoi asnjë rast të mirëfilltë për gol.
Takimi i parë përfundoi në barazim 1-1.
