‘Iku vapa me zgjedhjet’/ Si i mashtroi Rama korçarët për rindërtimin e shtëpive brenda verës (VIDEO)

Qytetarët e prekur nga dëmitmet e shumta si pasojë e lëkundjeve të tërmeteve gjatë periudhës së pranverës dhe fillimit të verës në Korçë duket se nuk do ta gjejnë ende zgjidhjen e problemeve të tyre. Edhe pse nuk kanë kaluar gati dy muaj, asnjë premtim i qeverisë nuk është mbajtur lidhur me këtë problematikë. Rama u premtoi banorëve se do të rindërtonte shtëpitë duke bërë që Brenda verës do të ktheheshin në shtëpitë e tyre, por kjo gjë nuk ka ndodhur akoma. Këtë gjë e ka denoncuar edhe dega e Partisë Demokratike në Korçë.

Denoncimi

Dega lokale e PD të Korçës,po ndjek me shqetësim situatën dhe problematikën e dhjetëra familjeve në fshatin Floq,të cilat mbetën të pastreha nga tërmetet e qershorit. Edhe sot,pas 6- të javësh,banorët e prekur nga tërmeti,janë në mëshirë të fatit,sepse kanë fatin e keq,të qeverisen nga ata,që zhvatin pa turp dhe limite,sidomos më të dobëtit,më të pamundurit.Sot,banorëve të Floqit,nuk u mungon vetëm shtëpia. Me shumë se kaq, u mungon dëshpërimisht shpresa,se një ditë të afërt,do të kthehen në rrjedhën normale të jetës.

Më të dëshpëruarit,mes tyre,janë ata,që fatkeqësia i çoi të besonin për pak,përrallën kryeministrore,se deri në shtator,do të përfundonte rindërtimi i të gjitha shtëpive. Dhe në fakt,e gjitha nuk ishte asgjë më shumë se propagandë cinike dhe çnjerëzore,që bashkia e Korçës po përpiqet ta mbulojë me  llaçin,që po hedh mbi ca oxhakë nëpër lagjet e qytetit.

LEXO EDHE  Borchardt i tregoi gishtin, reagojnë diplomatët shqiptarë: Veprim fyes dhe jo dinjitoz, presim masat disiplinore

Se për një kryetar bashkie,si Sotiraq Filo,i refuzuar masivisht në monovotimet e 30 qershorit,që shpërdoron miliona euro për kulla,qytete imagjinarë fëmijësh,qendra të kulturës dhe artit ndërplanetar,është normale,që ndërtimin e shtëpive nuk e nis nga themeli,por nga oxhaku.E vërteta është se në Floq nuk ka filluar dhe as ka gjasa të fillojë rindërtimi i shtëpive. Dhe po të fillojë,vetëm nëse shtëpitë janë prej kartoni,ndërtimi i tyre,mund të përfundojë deri në shtator.

Siç thuhet,pritet që një fondacion i huaj,do të nisë ndërtimin e njëres nga 67 shtëpitë plotësisht të shkatërruara në Floq. Por vetëm kaq! Shteti dhe bashkia nuk duken askund!E vërteta është,se nuk  po bëhet asnjë lloj transparence,se ku dhe si do të gjenden fondet për faturën prej 2.1 miliard lek,që është më e kripur se gjiza e baxhove,që Filo dhe Rama provuan gjatë fundjavës.

Dega lokale e PD të Korçës i bën thirrje kreut te bashkisë,të ushtrojë përgjegjësinê që ligji i ngarkon, deri në përfundim të mandatit aktual,për përshpejtimin e proćesit të rindërtimit të shtëpive në Floq dhe fshatra të tjerë të kësaj bashkie,pa ardhur vjeshta!Zoti Filo! Ndërsa ti i kalon ditët e nxehta në tavolina relaksi me deputetët,të promovuar dje nga hiçi dhe sot,të rënë nga vakti,në shkollën e Floqit,mbi 80 burra,gra,të moshuar,invalidë dhe foshnja të sapolindura,mbijetojnë mes bashkëjetesës kolektive,mungesës së ujit dhe kushteve më minimale të higjenës.