Basha zbardh takimin me Metën dhe aleatët/ Ja për çfarë është diskutuar dhe dakordësuar (video)

Kreu demokrat Lulzim Basha u shpreh se takimi me Kreun e Shtetit, Ilir Meta, kishte të bënte pikërisht me 13 tetorin, që Presidenti e shikon si një mundësi për zgjidhjen e krizës që ka përfshirë vendin.

Basha theksoi se opozita është e gatshme për të ndërmarrë çdo hap për zgjidhje që i shërbejnë shqiptarëve dhe jo bablokut të madh, lidhjeve të tij me krimin dhe oligarkët.

“Zgjedhjet duhet të jenë për njerëzit dhe jo për oligarkët, Ymer Lalën apo bablokun e madh, që është Edi Rama”, theksoi Basha.

Sipas PD-së, opozita është e gatshme për t’i dhënë qytetarëve zgjedhje të lira dhe të ndershme.

LEXO EDHE  Humb betejën me sëmundjen, ndahet nga jeta koloneli

Gjithashtu kreu demokrat ka zbardhur edhe takimin që ka zhvilluar në selinë e PD-së me drejtues të partive aleate.

Basha tha se kishte diskutuar mbi strategjinë që do të ndjekë opozita, por edhe mbi programin ekonomik, që do të nxjerrë shqiptarët nga varfëria ku i ka zhytur Edi Rama.

Në këtë kuadër, Basha tha se 30 qershori konfirmoi mazhorancën e re qeverisëse në vend, që sipas tij është opozita dhe qytetarët në krah të saj.