Ish-ministri i Drejtësisë, Ylli Manjani ka reaguar pas mbledhjes së 28 firmave të deputetëve të mazhorancës për shkarkimin e Arben Malajt nga Këshilli mbikëqyrës i Bankës së Shqipërisë pasi ka kryer shkelje etike në dalje publike.
Në një postim në Facebook, Manjani shkruan se është 1000% i bindur që Arben Malaj është në anën e të drejtës dhe se ato probleme që ai ngre janë shqetësime reale të tregut financiar e bankar në këtë vend.
Postimi i plotë:
Arben Malaj është një qytetar i denjë dhe profesionist i zoti. Ka kontribuar në politikë vetëm mbi parime.
Beni futet tek politikanët që nuk bëjnë kompromise politike në kurriz të profesionalizmit dhe qytetarisë.
Nuk ka bërë kompromise kur ishte pranë qypit me mjaltë të qeverisë, jo më sot që ofrohet vetëm qypi me mut.
Jam 1000% i bindur që Beni është në anën e të drejtës dhe se ato probleme që Ai ngre janë shqetësime reale të tregut financiar e bankar në këtë vend.
Treg gjithsesi i deformuar rëndë nga presioni i informalitetit që buron nga krimi i organizuar.
Ligjërisht Arben Malaj nuk mund të shkarkohet pse kritikon Kryetarin e Bashkisë e as pse nuk pranon zbatimin e urdhërave të politikë që jepen me SMS.
Banditërisht po, mund shkarkohet si të gjithë të tjerët që nuk pajtohen me bandën që qeveris!
