Kreu demokrat, Lulzim basha, ka zhvilluar një takim në Presidencë me Kreun e Shtetit, Ilir Meta.
Takimi ka zgjatur rreth 30 minuta dhe në qendër të tij ka qenë situata politike në vend, veçanërisht pas thellimit të krizës, pas votimeve të 30 qershorit.
Ndërkohë që pritet një tjetër takim i kreut demokrat Basha me aleatët e tij, ku pritet të diskutohet mbi strategjinë e opozitës.
Burime nga opozita bëjnë të ditur se pritet miratimi i një agjende mbi lëvizjet që do të ndërmarrin partitë opozitare, që pritet të shtojnë presionin ndaj qeverisë, por edhe të intensifikojnë kontaktet me ndërkombëtarët në funksion të qartësimit të qëndrimit të tyre ndaj zgjidhjes së krizës politike me një kosto sa më të ulët për shqiptarët.
