Një aksident i rëndë u regjistrua rreth orës 05:30 të mëngjesit të sotëm në Divjakë, me pasojë vdekjen e një personi.
Sipas njoftimi të policisë ka humbur jetën një 57-vjeçar, shoferi i mjetit të përfshirë në aksident, si dhe u plagos djali i tij Rr.M, i cili ndodhet në spital jashtë rrezikut.
Ngjarja ka ndodhur në vendin e quajtur “Tre urat”.
Njoftimi i policisë:
Sot rreth orës 05:30, në vendin e quajtur “Tre urat” Çermë Sektor, shtetasi A.M, 57 vjeç, duke drejtuar mjetin tip “Ford” ka dalë nga rruga.
Për pasojë ka gjetur vdekjen në vend drejtuesi i mjetit dhe është dëmtuar djali i tij shtetasi Rr.M, i cili ndodhet në Spitalin e Lushnjes nën kujdesin e mjekëve. Grupi hetimor po punon për zbardhjen e shkakut të daljes së mjetit nga rruga.
