Ish-ministri i Brendshëm Saimir Tahiri ka reaguar lidhur me ndarjen e parakohshme nga jeta të kryetares së FRESSH për njësinë administrative nr.6, Rajselda Hamza për shkak të plagëve të marra pas një aksidenti në Vorë.
Në një postim në Facebook, Tahiri shkruan se kishte mbetur pa fjala nga vdekja e papritur e Rajseldës duke risjellë edhe projektligjin e propozuar prej tij dikur në Parlament.
“Të preu jetën në mes një aksident i mallkuar. Punuam gjatë bashkë, e tani jam pa fjalë!
Shpikim aq armiq ne të gjallë, sa harrojmë armiqtë e vërtetë që na marrin jetën, përditë. Të ndrittë shpirti Rajs! Propozova “Vrasjen Rrugore” dikur, por mbeti rrugëve të Parlamentit. Do mjaftonin vajzat e djemtë që kanë lënë jetën rrugëve nga aksidentet, për ta miratuar një herë e mirë, përpara se kërcitja e vdekjes në rrugë të na vijë te pragu i shtëpisë,“-shkruan Tahiri.
