Pas 20 vitesh nga divorci, babai i David Beckham gjen dashurinë e re! Ja kush është miliarderja

17 vite më parë babai i David Beckham, Ted, i dha fund martesës së tij me bashkëshorten, Sandra. Tashmë që kanë kaluar gati 20 vite që nga ajo kohë duket se Ted ka gjetur një dashuri të re.

Sipas “Daily Mail” kuzhinieri 70-vjeçar ka nisur një romancë të re me një avokate multi-milionere të quajtur Hilary Meredith. Ata dy janë takuar për herë të parë me njëri-tjetrin në prill të këtij viti në Manchester.

Madje lidhja e tyre duket se është bërë serioze, sepse ditën e dielë babai i David ka festuar ditëlindjen e 60-vjeçares në vilën e saj. David Beckham dhe bashkëshortja e tij nuk kanë reaguar ende në lidhje me këtë çështje, por me siguri ish-futbollisti do të jetë si përherë në krahun e të atit.

ImageFamilja Beckham, babai, mamaja, motra dhe David

LEXO EDHE  Bayern merr fitoren e parë në Bundesliga, Lewandowski shkëlqen me tripletë

Dy prindërit e David u martuan së bashku në vjeshtën e vitit 1969 dhe përveç tij kanë dhe dy fëmijë të tjerë, Lynne dhe Joanne. Pavarësisht se Ted dhe Sandra kishin tre dekada bashkë të martuar në vitin 2002 i dhanë fund martesës së tyre, gjatë muajve të fundit të David në Manchester United.

Në atë kohë futbollisti i njohur nuk e përjetoi aspak mirë ndarjen e prindërve, por duket se tashmë mbështet çdo vendim të tyre.