Sikundër çdo vit, zonat bregdetare vuajnë nga zhurmat e larta të shkaktuara nga muzika në lokalet e natës në plazhe. Banorët që jetojnë pranë këtyre zonave janë ankuar për këtë situatë dhe nga autoritetet lokale në bashkëveprim me ato qendrore nxirren vendime të përkohshme.
Kështu është bërë edhe këtë vit, kryesisht për qytetin e Vlorës, ku gjenerimi i zhurmave është tepër i madh.
Janë zhvilluar takime me bizneset pranë vijës bregdetare dhe u është lënë detyrë, e u janë përcaktuar oraret se deri kur do të mund të mbajnë hapur lokalet dhe muzikën.
Bashkia Vlorë ka vendosur që e premtja të jetë dita kur muzika mund të lejohet gjithë natën.
Por ndonëse ka një vendim për ditën e premte, policia nuk lejon që bizneset të mbajnë ndezur muzikën gjatë gjithë natës duke bërë kontrolle të vazhdueshme, madje vendosur edhe gjoba.
Bizneset janë shprehur se përjetojnë terror nga policia, kërcënohen, trembin klientët.
