Real Madridi dominon top-formacionin e Instagram-it, ja emrat

Talenti vazhdon të jetë pasuria kryesore e futbollistëve dhe ai vendos çmimin e tyre në tregun e transferimeve. Sidoqoftë, popullariteti në rrjetet sociale po fiton më shumë peshë në vlerësimin e lojtarëve. Fakti që futbolli transmetohet kryesisht në platformat me pagesë ka rritur rëndësinë e rrjeteve sociale, si kanale të shpërndarjes së përmbajtjeve të ndryshme të ndeshjeve dhe kompeticioneve.

Imazhe dhe video shpërndahen përmes rrjeteve sociale, veçanërisht nga klubet e mëdha, që grumbullojnë miliona ndjekës dhe gjenerojnë ndërveprime të pafundme. Edhe pse shumë lojtarë kanë llogari në rrjete të ndryshme sociale, Instagram është bërë më i preferuari në futboll. Sipas një studimi të “Pitchside”, mbi 90 për qind e lojtarëve të Premier League kanë llogari në këtë rrjet social, i cili përdoret edhe nga Cristiano Ronaldo, Messi dhe Neymar, që janë mbretërit absolutë me më shumë se 100 milionë ndjekës.

LEXO EDHE  “Shko në shtëpi, k**vë e vogël”/ Ibrahimoviç sherr edhe me trajnerin e skuadrës kundërshtare

Në bazë të numrit të ndjekësve në këtë rrjet social, “Marca” ka hartuar edhe top-formacionin me lojtarët më aktivë në Instagram. Në fakt, sipas numrit të ndjekësve, edhe legjenda si David Beckham apo Ronaldinho mund të ishin pjesë e kësaj 11-sheje, por nuk janë më aktivë në fushat e blerta. Trajner i këtij top-formacioni do të ishte Zinedine Zidane, ndërkohë që është menduar edhe për stolin e rezervave, ku bëjnë pjesë 8 futbollistë. Edhe për këtë pjesë, kriter i përzgjedhjes është numri i ndjekësve të secilit në Instagram.

Grafiku më poshtë sqaron dhe përmbledh gjithçka shkruajtëm më sipër: