Maksim Sota ishte kandidat i katërt për SPAK që u intervistua ditën e sotme nga KLP në prani edhe të ndërkombëtarëve, që kanë të drejtën e pyetjeve.
Sota nisi detyrën në Prokurorinë e Vlorës në vitin 2010 dhe e drejtoi këtë organ akuze për disa vite.
“Kam kërkuar gjithmonë të hetoj dosje të vështira dhe të përdor njohuritë e mia në ngritjen e akuzës. Kam mbajtur përgjithësi maksimale për dosjet që kam patur në hetim dhe të cilat kanë përfunduar në gjykatë me vendime të formës së prerë”, u shpreh Sota.
Pjesë nga Intervista
Fakti që vini nga një prokurori me juridiksion të përgjithshëm, mendoni se do të keni të vështire të përvetësoni metodat të posaçme të hetimit?
Sota: I kam përdorur këto metodat, nuk janë të panjohura për mua, si në rastin e vjedhjes së BKT në Vlore.
Cila është cilësia juaj me e fortë për t’u zgjedhur prokuror në SPAK?
Sota: Vendosmëria, vullneti dhe aftësia ime profesionale për tu përballur me dosjet.
Pavarësia e prokurorit është kuptuar dhe zbatuar ashtu siç duhet?
Sota: Besoj se po, është gjëja më e mirë që i është dhëne prokurorit duke e ngarkuar atë me përgjegjësi drejt për drejt.
Cilat do të jene sfidat më të mëdha të SPAK?
Sota: SPAK do jetë e suksesshme nëse do të ketë motivimin e anëtareve të kësaj strukture në përballjen me nivelin më të lartë të krimit.