Interesat kilenteliste largojnë investimet e huaja në Shqipëri/Sokol Nano e drejton AIDA-n, si club nate Lolli Pop! 

Nga Boldnews.al

AIDA është akronimi në anglisht për Albanian Investment and Development Agency, e thënë shqip: Agjencia Shqiptare e Zhvillimit të Investimeve.

Çfarë po ndodh realisht me këtë agjenci kaq të rëndësishme por që këto vitet e fundit është përdorur si vend qokash për drejtorin ekzekutiv ku në 6 vitet e fundit janë ndëruar 7 drejtorë ekzekutivë dhe mjafton për të treguar serozitetin që është trajtuar kjo agjenci. Çdo drejtor plotëson tekat e veta duke i çuar zyrat e agjencisë sipas interesave të veta, gjithashtu rekruton edhe stafin sipas tekave dhe iteresave të veta. Njëri e çon me zyra në Myslym Shyri, vjen tjetri e çon te Rruga e Durrësit, një tjetër e çon me qera në aeroport, drejtori radhës e çon te Rruga e Elbasanit, vjen çuni Tosit atij Tos Nanos dhe çon në kryeministri se mos vallë e tërheq hija e të atit dhe bëhet edhe ai kryeministër.

Kështu, kjo agjenci është kthyer në një agjenci pa identitet pasi kjo është një agjenci pa adresë dhe pa vizion, investitorët aty ku vijnë herën e parë nuk e gjejnë herën e dytë, punonjësit që punojnë aty lëvizen shpesh dhe pa arsye duke krijuar pasiguri dhe joprofesionalizëm me investitorët.

LEXO EDHE  FOTO/ Policët e Lali Erit i “grabisin” arkën me domate nënës pezake

Si të mos mjaftonte mënyra se si është trajtuar kjo agjenci kaq e rëndësishme e cila do duhet të thithte qindra milionë euro investime si edhe dhjetra investitorë të huaj që kaq shumë i ka nevojë ekonomia shqiptare, së fundmi drejtori ekzekutiv Sokol Fatos Nano me një komision të jashtëligjshëm vendosi ta nxjerrë agjencinë nga statusi i nëpunësit civil, duke larguar nga puna punonjës profesionistë dhe duke i zëvendësuar ata me punonjës të cilët do tju binden urdhrave të tij për të ndjekur praktikat korruptive me letra dhe financa të fallsifikuara për të gllabëruar në interes te klanit Nano pronat shtetërore përgjatë bregdetit të jugut. Të gjitha këto grabitje do të kryhen të fshehura nën petkun e ligjit të investimeve strategjike që po keq përdoret në mënyrën ekzemplare. Jo më kot, së fundmi disa kompani të huaja të cilat janë shumë serioze ne fushën e turizmit dhe energjisë se gjelbër kanë ikur andej nga kanë ardhur pasi nuk kanë gjetur asnjë mbështetje dhe asistencë nga agjencia e drejtuar prej drejtorit ekzekutiv Sokol Nano, përkundrazi janë dekurajuar qëllimet e tyre për të investuar.