Deputeti i ri në Kuvendin e Shqipërisë Adriatik Alimadhi, që i përket Partisë së Ballit Kombëtar, është përballur në një lokal me një situatë krejt të pazakontë. Disa persona e kanë sharë, duke e përzënë edhe nga lokali ku ai qëndronte.
Video është bërë virale dhe në rrjetet sociale. Pas këtij lajmi i menjëhershëm ka qenë edhe reagimi i Alimadhit. Ai e ka konsideruar veprimin kundër tij një sjellje prej uliganësh që shajnë dhe prishin rendin dhe qetësinë publike.
Alimadhi shprehet në reagimin e tij se, këta persona nuk duan të kenë përballë njerëz që mendojnë ndryshe, duke i kërcënuar dhe shantazhuar.
“Kjo tregon qartesisht mendesine dhe veprimtarine kriminale te ketyre individeve qe paraqiten ne kete vidjo te parapregatitur dhe te qellimshme.
Ne qofte se keta mendojne se perfaqesojne mendimin e lire dhe demokratik te ketyre viteve paskemi qene shume mbrapa dhe nuk paskemi kuptuar asgje qe ata pretendojne se sollen lirine dhe demokracine.
Me keto veprime tregojne se akoma kane ngelur te mendesia komuniste dhe te veprimtaria kriminale e tyre”.
