Krybashkiakja në detyrë e Shkodrës, Voltana Ademi është takuar me ambasadorin italin në vendin tonë, Alberto Cutillo me të cilin shprehet se kanë ndarë shqetësimet lidhur me situatën politike.
Ademi thekson se4 në këtë takim ishin të pranishëm edhe kolegët e saj, Xhelakl Mziu dhe Agron Kapllanaj dhe gjatë bisedës me ambasadorin kanë gjetur vëmendjen e tij të plotë sa i përket për funksionimit normal të sistemit demokratik në përgjithësi dhe të qeverisjes vendore në veçanti.
“Falenderoj përzemërsisht Ambasadorin e Republikës së Italisë në vendin tone SHT Z. Alberto CUTILLO për përgjigjen ndaj letrës që unë, si kryetare e Bashkisë dhe qytetare e Shkodrës, i dërgova si përfaqësues i një vendi mik dhe me lidhje të ndërsjellta shekullore.
Në Ambasadën e Republikës së Italisë me Z. Ambasador, bashkë me kolegët z. Agron Kapllanaj kryetar i Bashkisë Mallakastër dhe z. Xhelal Mziu, kryetar i Bashkisë Kamëz, zhvilluam një bisedë tejet konstruktive, ku përcollëm të gjitha shqetësimet tona tashmë të njohura e publike. Gjetëm vëmendjen e tij të plotë për çfarë diskutuam dhe çeshtjet e rëndësishme që ngritëm për funksionimin normal të sistemit demokratik në përgjithësi dhe të qeverisjes vendore në veçanti”, shkruan Ademi.
Kujtojme se dy dite me pare, kryetarja e Bashkisë së Shkodrës iu ka nisur një letër ambasadorëve të akredituar në vendin tonë, të cilëve iu kërkon ndihmë për nxjerrjen e vendit nga kjo krizë e gjatë politike dhe institucionale.
Duke folur për zgjedhjet e 30 Qershorit, Ademi shprehet se ato ishin të jashtëligjshme, dhe shton se 8% e personave që morën pjesë në votime, nuk mund të vendosin për shumicën e qytetarëve.
Ademi ka dhe kushtin e saj për dorëzimin e Bashkise, teksa shkruan: Sot, në 2019- ën nuk mund t’ia dorëzojmë atë as Kryeministrit e as të emëruarit të tij 8%- ësh! Në vitet 1913 -1914 dhe 1918-1920 ky qytet me rëndësi vitale për të gjithë kombin, është qeverisur nga komisione ndërkombëtare të fuqive të mëdha. E ndoshta është prap rasti, dhe jo vetëm për Shkodrën!
