Charles D. B. King është një emër jo shumë i njohur dhe ndoshta i parëndësishëm për Shqipërinë, por ka një lidhje të veçantë me liderin tonë supreme Edi Rama.
Ai u zgjodh president i Liberisë për herë të parë në vitin 1920 dhe më pas mori edhe një mandate të dytë në vitin 1927, ku shërbeu deri në vitin 1930.
Por, ajo që është shumë interesante është fakti se nga 15 mijë votues, 9 mijë i mori kandidati tjetër dhe logjikisht King duhej të humbte zgjedhjet. Këtu ndodh edhe çudia që e lidh me Edi Ramën, King manipulon zgjedhjet duke shtuar plot 237 mijë vota në favor të tij.
Rezultati përfundimtar i zgjedhjeve ishte 243 mijë vota për King dhe 9000 për Thomas J. Faulkner.
Kryeministri Edi Rama kohët e fundit ka filluar që të frymëzohet shumë nga Marthin Luther King ku i publikon edhe shprehej e tij në ‘facebook’.
Si duket ai paska një lidhje të veçantë me personat që u përfundon emri me King pasi për vjedhjen e votave është frymëzuar nga Charles.
Në zgjedhjet e fundit që u mbajtën më 30 qershor, ka një fakt që e bën Ramën akoma më të frikshëm se ish presidenti i Liberisë, pasi të paktën ai e ka pasur një kundërshtar dhe në një farë mënyre ishte i justifikuar për të vjedhur ndërsa lideri ynë suprem garonte vetëm dhe e kishte fitoren e sigurtë edhe sikur vetëm kandidati të votonte.
Sipas të dhënave të publikuara nga KQZ fillimisht ishin 771863 votues, edhe pse ky numër dyshohet si i falsifikuar pasi në një deklaratë të orën 18:00 KQZ raportonte për 650 mijë votues dhe që të kishim një shtim numri me 120 mijë vota në një orë duhej që në çdo qendër votimi të kishte radhë të madhe.
Ndërsa më pas zyrtarisht pas disa ditësh KQZ njoftoi për 812 249 votues duke e bërë akoma më qesharake numrin e pjesëmarrjes në votime.
Pra sipas KQZ nga ora 18:00 deri në orën 19:00 kanë votuar rreth 162 mijë persona.
Por le të bëjmë një llogari matematikore të thjeshtë, në Shqipëri ka 5362 qendra votimi. 162 mijë persona pjesëtuar me 5362 qendra votimi përafërsisht del numri 30. Çdo personi i duhet të paktën 5 minuta për të votuar me të gjitha procedurat (po marrim një kohë minimale). 30 persona shumëzim 5 minuta 150 minuta që bëjnë 2 orë dhe 30 minuta.
Që të bëjmë më të thjeshta të gjitha numrat.
Nga ora 18:00 deri në orën 19:00 që janë mbyllur të gjitha kutitë ku disa madje kanë guxuar që ti mbyllin edhe para pasi nuk shkonin njerëzit për të votuar, por po i marrim për të mirëqenë që kanë funksionuar normalisht. Që të votojnë 162 mijë persona në kaq pak kohë duhet të çojmë në mënyrë të barabartë në çdo qendër votimi nga 30 persona x (5 minuta), dhe nëse do e bëjmë një gjë të tillë sërish do të duhen të paktën 2 orë dhe 30 minuta që të kenë mundësi të votojnë.
Pra që të kenë votuar të gjithë këto persona duhej që votimet të ishin shtyrë deri në orën 20:30 në të gjithë Shqipërinë.
Pas votimeve edhe opozita ka publikuar të dhënat e saj për pjesëmarrjen në votime, ku është shprehur se ka monitoruar në çdo sekondë të gjitha qendrat e votimit dhe sipas tyre numri i votuesve në të gjithë Shqipërinë është 534 528 ose 15.2 %.
Diferenca midis shifrave të KQZ-së dhe opozitës është 277721 vota më shumë.
Charles King manipuloi me 237 mijë vota në vitin 1927 ku kishte një kundërshtar për të mundur, Edi Rama manipuloi 277721 vota pa kundërshtar, duhet ti kërkojmë ndjesë Charles për krahasimin që i bëmë me liderin suprem./Boldnews.al/