Kreu i opozitës Lulzim Basha, nju drejtua gjatë fjalës së tij socialistëve të ndershëm, që të braktisin Edi Ramën dhe kriminelët që kanë marrë peng Partinë Socialiste.
Ai ju kërkoi atyre tu bashkohen shqiptarëve të lirë dhe së bashku të rrëzojnë këtë qeveri të keqe.
“Bashkë do ta rrëzojmë këtë qeverisje antipopullore, antikombëtare. Bashkë jemi një uragan politik i pandalshëm. Ju ftoj të ngrihemi bashkë, të fitojmë bashkë, duke refuzuar të shiturit e Edi Ramës. Nga ky shesh dua ti drejtohem socialistëve të ndershëm kudo në Shqipëri, ju nuk jeni hajna, mos e lini partinë tuaj në duart e krimit, në duart e injorantëve, është përgjegjësia juaj ndaj vetes dhe ndaj Shqipërisë. Braktiseni Edi Ramën, shpëtoni partinë tuaj dhe nderin tuaj të marrë peng nga krimi dhe banditët e rrugës’, tha Basha.
