Kreu i Partisë Demokratike, Lulzim Basha, deklaroi nga selia e PD, në mbyllje të protestës së 10-të Kombëtare, se lufta dhe beteja e shqiptarëve të bashkuar do të vijojë deri në rrëzimin e Edi Ramës.
Ai theksoi se shumë shpejt do të vijë ndryshimi dhe se shqiptarëve do tu buzëqeshë Europa.
‘Falë kurajës tuaj, këmbënguljes tuaj, betejës tuaj në diell e shi, ditën dhe natën, edhe kur gazi mbushte mushkëritë tuaja, falë sakrificës tuaj për liri dhe demokraci, sot shumica absolute e shqiptarëve ka përqafuar thirrjen tuaj Rama ik. Edi Rama e ka marrë vulën e largimit. Në do ta vazhdojmë këtë betejë sepse jemi shumica absolute, pasi 85 për qind e shqiptarëve folën me heshtje, me tallje me brohorima, Rama ik. Partia Demokratike dhe opozita e bashkuar e kanë dëgjuar klithmën tuaj për ndryshim. Ndryshimi është përparësia jonë absolute. Ditët dhe javët në vijim do të jenë ditë aksioni të ngjeshura, për të sjellë ndryshimin e vërtetë. Edi Rama do të largohet por është detyra jon mos mjaftohemi me rrotacionin politik që po vjen, por tu japim shqiptarëve fundin e tranzicionit’, tha Basha.
