Iniciativat për gjetjen e një dialogu midis kulturave të ndryshme, për marrëdhëniet mes personave të kulturave të ndryshme, nuk është asgjë e re për Europën.
Për shembull, Belgjika, në vitin 2016, publikoi udhëzime për emigrantët duke u mësuar mënyrat më të mira për zhvillimin e marrëdhënieve me gratë evropiane, duke pasur parasysh dallimet në kulturën dhe stilin e tyre të jetës.
Sipas të dhënave statistikore të ofruara nga Inera, kompania që drejton platformën sociale suedeze youmo.se, shumica e vizitave në faqen e internetit që publikon fakte anatomike dhe këshilla për seksin dhe martesën, vijnë nga vende të tjera përveç Suedisë.
Një nga tabelat e publikuara në faqen e internetit sugjeron se trafiku ka arritur kulmin në mes të dhjetorit 2017 dhe janarit 2018.
Gjatë 2018-ës, shumica e vizitave në faqen e internetit erdhën nga IP të regjistruara në Iran, ndërsa vendet e tjera më më shumë vizitorë (përveç Suedisë) ishin SHBA, Egjipti, Arabia Saudite, Afganistani, Gjermania, Britania e Madhe, Iraku dhe Algjeria.
Vitin e kaluar qeveria suedeze përdori gjysmë milioni euro, si një investim në Autoritetin Kombëtar të Rinisë dhe Çështjeve Civile. Prej këtu u krijua ëebsajti, Youmo, i dedikuar “shëndetit, seksualitetit dhe barazisë gjinore” me tekste në suedisht, arabisht, somalisht dhe në dari, raportoi gazeta suedeze Fria Tider.
Materiali në platformë ilustrohet në mënyrë të dukshme me fotografi ku shfaqen burra me ngjyrë, së bashku me gra bjonde me origjinë evropiane.
Vizitorët e faqes së internetit mësojnë për dashurinë e parë, pëlqimin seksual, ABC-në e anatomisë, si dhe mënyrën se si marrëdhënia seksuale mund të çojë drejt shtatzënisë. Një pjesë e veçantë informon për qëllimin e kontraceptivëve si dhe për sëmundjet seksualisht të transmetueshme.
Një program i ngjashëm është përpunuar nga qeveria belge: në vitin 2016, autoritetet shpërndanë broshura që mësonin migrantët se si të flirtonin në mënyrë efektive me gratë evropiane, i informonin për mënyrën se si vendi e trajton seksin dhe martesën e detyruar, si dhe poligaminë.
Ndërkohë në vitin 2017 në Suedi, arabishtja kaloi finlandishten për herë të parë në më shumë se 800 vjet në listën e gjuhëve më të përdorshme të minoriteteve në vend. Deri në atë moment, Finlandishtja kishte qëndruar e para, duke lënë pas serbishten dhe arabishten.
Kjo i atribuohet fluksit të azilkërkuesve nga vendet kryesisht arabe në Lindjen e Mesme dhe Afrikën e Veriut.
Sipas një raporti të Institutit Gatestone, vendi nordik pati më shumë se 163,000 azilkërkues në vitin 2015.
Ky material është publikuar nga Sputnik / Përshtati në shqip Hashtag.al
