Partizani duket se e ka kryer edhe një transferim tjetër, në kuadër të forcimit të ekipit për ndeshjet e Europës.
Siç raporton sajti i gazetarit italian, Xhanluka Di Marcio, lojtari i Krotones, Aristoteles Romero, është huazuar tek “demat e kuq”, pasi edhe pjesën e dytë të sezonit të kaluar e luajti si i huazuar tek Rajo Majadahonda në Spanjë.
Lajmi i publikuar ekskluzivisht nga “Panorama Sport”, tashmë merr konfirmim nga Italia. Behet fjalë për një lojtar fizik, shpërthyes në driblime, por ajo që e dallon është e djathta potente, ku në karrierën e tij ka shënuar disa gola të bukur falë kësaj “arme” që zotëron. Venezueliani duket se ka idhull Vidalin, pasi shpeshherë e imiton kilianin jo vetëm në lojë dhe festime, por edhe me pamjen e tij dhe modelin e flokëve.