14 persona kanë humbur jetën nga një zjarr që ra në bordin e një nëndetëseje kërkimore ruse. Lajmi është bërë i ditur nga Ministria ruse e Mbrojtjes. Sipas këtij institucioni, anëtarët e ekuipazhit u asfiksuan nga tymi që u përhap në kabinë.
Ministria ruse nuk bëri të ditur sa anëtarë të ekuipazhit ndodheshin në bord kur ra zjarri. Autoritetet ruse kanë nisur një hetim për këtë ngjarje. Nëndetësja kërkimore aktualisht ndodhet e ankoruar në Severomorsk.
Nëndetëset kërkimore janë përgjithësisht anije të vogla që kanë një numër të caktuar ekuipazhi në bord.