Igli Zela, prej 6 vjetësh, kameram i kreut të PD-së, Lulzim Basha, ndërsa për 8 vite kishte qenë kameramani i ish-kryeministrit Sali Berisha, është pushuar nga puna.
Largimi i është komunikuar Zelës një ditë më parë nga drejtoresha e Zyrës së Shtypit në PD, ndërsa mësohet se arsyeja ka të bëjë me ristrukturimin e këtij departamenti.
Kështu pas 14 vjetësh, 8 pranë Berishës dhe 6 pranë Bashës, Zela është larguar, ndërsa duket se arsyeja ka të bëjë me një foto që ai ka postuar në krah të zëdhënëses s ëish-Kryeministrit Sali Berisha, Erla Mëhilli.
Kjo e fundit ka reaguar ashpër lidhur me largimin e Zelës, duke shkruar në rrjet “është bërë parti bolshevike, po mendove ndryshe, po guxove të flasësh të pritet koka”.
