Që shqiptarët i bojkotuan masivisht votimet e djeshme, kjo nuk do kallaus…
Megjithatë, ka ana ata që e tregojnë ndryshe… Aktori Laert Vasili, i njohur për qëndrimet e tij publike në favor të propagandës së Edi Ramës, është shprehur se PS ka rritur numrin e votëbesuesve në këto votime.
“Nëse shihni të dhënat do shihni se PS e ka rritur nr e votbesuesve të saj në krahasim me 2015. Janë më shumë 1.2, 1.3 përqind, por duhet të presim shifrat përfundimtare”, tha Vasili i ftuar në studion e “Fax Web”.
“Nëse do shihni zgjedhjet e kaluara për PS ka votuar thuajse e njëjta (masë). Për PD kishte 14 përqind”, tha ai më tej.
KQZ nxori shifra kontradiktore lidhur me votimet. Sipas komisionit, në disa bashki, rezultuan më shumë vota për kandidatët socialistë se sa votues. Opozita foli për manipulim masiv të votimeve. Sipas opozitës, pjesëmarrja totale në votime ishte jo më shumë se 15 përqind. Edhe vetë kreu i KQZ-së Klemnd Zguri, tha se ka mundësi për manipulim dhe njoftoi nisjen e hetimit administrativ.
Por, për Laert Vasilin, bëhet fjalë për një “gabim kompjuterik”.
Argument ky pa lidhje fare edhe me atë që deklaroi vetë zëdhënësja e KQZ-së, e cila në fakt tha krejt të kundërtën. “Të dhënat nga qendrat e votimit u morën me telefon dhe kjo problematikë e mbarsur mund të zgjidhet vetëm në rast se procesi i votimit bëhet tërësisht përmes teknologjisë”.
“Kështu, Laert Vasili ia kaloi dhe Taulant Ballës”, do të mendonte dikush. Në fakt, në fund të intervistës, gazetarja lexoi një pyetje që bëhej në rrjetet sociale për të ftuarin: Sa paguhet Laert Vasili nga Rilindja për këto broçkulla që thotë?
“Shumë, jashtëzakonisht, miliarda euro…”, u përgjigj ai.
/BN/
