Ambasadorja Audrey Glover, Drejtuese e Misionit të ODIHR-it për Vëzhgimin e Zgjedhjeve, ka dalë me një deklaratë për gjetjet paraprake të misionit lidhur me votimet e 30 qershorit.
Në një deklaratë për mediat, Glover u pyet nga gazetarët se “sa shanse ka që zgjedhjet te certifikohen dhe të mos kemi zgjedhje të tjera në datën që ka dekretuar presidenti Ilir Meta”.
Glover tha se nuk është detyra e ODIHR që të certifikojë zgjedhjet.
“Nuk është sigurisht puna jonë të certifikojmë zgjedhjet. Janë autoritet e këtij vendi, janë një sërë konsultimesh që duhet bërë me një trup të madhe materialesh dhe gjykatash në këtë vend për të parë nëse certifikohen apo jo. Këto janë pikërisht hapat që duhen marrë deri në atë moment siç thashë s’është puna jonë, mandati ynë të certifikoje zgjedhjet. Do dalim me raportin tonë përfundimtar pas dy muajsh ku do kemi vlerësimin tonë”, tha ajo.
E pyetur nëse zgjedhjet i arritën standardet që monitoronit, Glover tha se një raport i plotë do dalë pas dy muajsh.
Megjithatë, duke raportuar për vëzhgimet parapake, Glover vuri në dukje mungesën e zgjedhjes nga qytetarët.
“Zgjedhjet u mbajtën pa marrë shumë parasysh interesat e lekjtoratit, opozita vendopsi të mos marrë esë kurse qeveria ishte e vendosur ti mbante pa aopozitën. Në këtë klimë të një ngërçi dhe polarizimi politik zgjedhjet nuk patën ndonjë mundësi reale për të zgjedhur. Në 31 bashki nga 61, kandidatët për kryetar bashkie garuan pa kundërshtarë. Pati pretendime të besueshme nga qytetarët se ishin nën presion nga të dyja palët, përplasjet politike çuan në pasiguri juridike. Shumë vendime të administratës zgjedhore u morën duke pasur si objektiv garantimin e zgjedhjeve. Pozitive ishte se votimi u zhvillua përgjithësisht në mënyrë të qetë e paqësore”, tha Glover.
Lidhur me KQZ-në tha se në disa raste, “vendimet e KQZ ishin me pikëyetje”.
Një apel e bëri edhe për politikën shqiptare. “U kërkoj aktorëve të punojnë në emër të të gjithë qytetarëve të vendit”, tha.
