Një 59-vjeçar, Asllan Likursi nga fshati Gurë e Madhë në Klos është dërguar me urgjencë në spitalin e Burrelit, pasi u godit me leva së bashku me vëllain e tij nga disa komisionerë të PS-së, për shkak se filmoi këta të fundit kur po detyronin qytetarët për të shkuar për të votuar.
Nga Urgjenca e Spitalit të Burrelit ka folur i vëllai i Asllan Likursit, Sami Likursi, i cili ka thënë se i vëllai i tij u godit vetëm se filmoi komisionerët e PS-së për shkak se ata lanë qendrat e votimit dhe dolën në rrugë për të marrë qytetarët për t’i detyruar të votojnë. Sami Likursi ka përmend edhe emrat e komisionerëve.
“Ai djali ka shkuar me votu dhe një djalë i joni i vogli i ka filmu se kanë marrë komisionerët makinat private pa letra pa targa kanë shkuar për të marrë votues duke lënë qendrat e votimit mblidh njerëz dhe fut brenda dhe vëllai i vogël i ka filmuar makinën dhe ata kanë marrë levat dhe kanë dalë përjashta dhe i kanë goditur vëllain e vogël, vëllai tjetër hyri me i nda dhe keti ja kanë goditur në kokë, unë shkova me vonesë dhe kur shkova i pash që ishin bërë gjak.
Vëllai i vogël tjetër ndodhet te shpia se nuk i kanë shkaktuar shumë dëme kurse ky tjetri këtu në urgjencë. Është goditur nga komisionerët Ilber Musta, Lulzim Musta dhe Ervin Heti, tre komisionerë të Partisë Socialiste, kanë qenë me leva, me llastiqe dhe e kanë goditur vetëm se filmoi makinën që merrnin njerëz.”
(PAMJE DRAMATIKE) Komisionerët e PS masakrojnë me leva qytetarin, transportohet drejt Tiranës
