Pjesëmarrja e ulët në votimet e 30 qershorit po interpretohet nga mediat ndëkombëtare si një lajm i keq për qeverinë dhe kryeministrin Edi Rama.
Kështu pas Zërit të Amerikës, Al Jazeera ndalet pikërisht te shifrat e pjesëmarrjes në një proces votimi pa pjesmarrjen e opozitës.
John Psaropoulos raporton për Al Jazeera nga Tirana se “pjesëmarrja e dobët nuk mund të jetë një lajm inkurajues për qeverinë e socialistëve”.
Ai shton se “opozita kishte frikë nga rezultatet e pandershme të zgjedhjeve”.
“Pjesëmarrja e ulët nënvizon sesa të diskutueshme ishin këto zgjedhje dhe shton një tjetër parametër tek pikëpyetjet për to”, raporton ai.
Sipas Al Jazeera, vëzhguesit ndërkombëtarë do të njoftojnë të hënën nëse zgjedhjet u zhvilluan në mënyrë të drejtë apo jo.
“Ka pasur shumë pak incidente dhe jo dhunë të vërtetë. Problemi i vërtetë është se këto në fakt ishin zgjedhje njëpartiake”, raporton ai.