Partia Demokratike, ka paralajmëruar disa protesta ditën e nesërme kundër votime moniste që do të mbajë Edi Rama dhe Rilindasit.
Në shkresën e firmosur nga Ervin Minarolli, kryetar i degës së PD në Tiranë, rezulton se PD ka njoftuar Policinë.
Protesta e PD në Tiranë është fokusuar në pesë shkolla, aty ku janë disa qendra votimi dhe në to do të marrin pjesë rreth 1000 persona. Kështu, zonat e nxehta ku pritet të protestojë PD janë KZAZ pranë shkollave “Avni Rustemi”, Qemal Stafa”, “Konferenca e Pezës”, Kristoforidhi” dhe “Dora Distria”.
Ditën e nesërme Shqipëria i drejtohet zgjedhjeve lokale, ku pjesëmarrëse është vetëm mazhoranca. PD dhe LSI kanë djegur mandatet dhe janë jashtë zgjedhjeve, ndërkohë që ngërçi është shtuar pas dy dekreteve të presidentit Ilir Meta, atë për anulimin e zgjedhjeve dhe atë për një datë të re që është 13 tetori, të dyja këto dekrete të quajtur nul nga PS. /RealStory.